WAHARIBIFU WA MIUNDO MBINU YA TRENI WAONYWA

Loading...

Serikali  imewaonya watu wote au kikundi cha watu watakaothubutu kufanya uharibifu wa mabehewa ya treni ya abiria  hususan wakati  huu  ambapo  Serikali ipo  katika mchakato wa kuliboresha  Shirika la  Reli  nchini.

Naibu  Waziri wa Ujenzi, Uchukuzi na Mawasiliano, Mhandisi  ATASHASTA  NDITIYE ametoa  msimamo  huo  wa  Serikali  wakati  alipotembelea  Kituo  cha Reli ya kati  mkoani  Tabora na kukagua  mabehewa na karakana  ya kurekebishia  mabehewa ya  treni  ya abiria na mizigo.

NDITIYE ameonesha kukerwa kwake na tabia ya baadhi ya watu wanaofanya  hujuma katika treni ya abiria ikiwemo kurusha  mawe  na kusababisha uharibifu  mkubwa wa mabehewa ya abiria.