INFINIX WAZINDUA SIMU MPYA

Loading...

Simu mpya aina ya infinix imezinduliwa nchini sambamba na kuingiza toleo jipya sokoni aina ya Hot S3.

Kuzinduliwa kwa simu hiyo kunaifanya Tanzania kuwa nchi ya 14 katika bara la Afrika kwa kutumia simu hizo, ikiwa ni baada ya Kenya kwa nchi za Afrika ya Mashariki.

Akizungumza wakati wa uzinduzi uliofanyika jana Aprili 28,2018 ofisa uhusiano wa kampuni hiyo, Erick Mkomoya alisema tangu kuanzishwa kwake mwaka 2013, simu hiyo imekuwa ikitumika katika nchi zaidi ya 30 duniani kabla ya kufika Tanzania.

"Mpaka sasa tuna matoleo manne yaliyopo sokoni ambayo ni Zero, Hot S, Hot na Note ambazo zimetengenezwa kwa ubora wa hali ya juu katika kamera ya mbele na zenye uwezo wa kutunza chaji muda mrefu na kuwekewa mtandao wa 4G," amesema Mkomoya.

Amesema licha ya kuwauzia wateja simu hizo, watakuwa wakiwapatia elimu namna nzuri ya kuzitumia ili kuzifanya zidumu muda mrefu.

Mkuu wa kitengo cha maduka ya rejareja ya Vodacom Tanzania PLC, Brigita Stephen amesema katika kuhakikisha Watanzania wanapata nafasi ya kupata taarifa mbalimbali kutoka mtandaoni, watumiaji wa simu hizo watapata zawadi ya GB 2 kwa ajili ya matumizi ya intaneti  na sms na dakika zakupiga simu.

"Dunia imebadilika na mambo mengi yanaendeshwa kwa njia ya mtandao hivi sasa, hivyo tumeamua kuwapatia wateja wetu zawadi ambayo inaweza kuwasaidia kwenda sawa na teknolojia," amesema Stephen.
Na Catherine Kisese.




Tuma neno 'HABARI' kwenda +255765112259 kupata habari za biashara punde zinapojiri.