PASTA AJITEKA NA KUWATAKA WAUMINI WACHANGE PESA ILI AACHILIWE

Loading...

Mchungaji mmoja wa nchini Nigeria, Peter Adegoke Adewuyi, amekamatwa baada ya madai kuwa alijiteka nyara na kuanza kuchangisha washirika wa kanisa lake kitita cha fedha ili aachiliwe huru.

Mhubiri huyo mwenye umri wa miaka 31 alikuwa ameripotiwa kutekwa nyara akielekea Ado Ekiti JUmapili, Juni 9.

Habari nchini humo zilisema kuwa mhubiri huyo pamoja na rafiki yake walijiteka nyara ndani ya hoteli moja ambapo waliwapigia washirika simu na kutaka fedha zitumwe la sivyo mchungaji wao auawe.

'Watekaji nyara' hao walisema mchungaji angeuawa kufikia Alhamisi, Juni 13, iwapo hawatapokea TSh milioni 18 kumkomboa. 

Hata hivyo, polisi walifuatilia simu yake na kuwapata kwenye hoteli wakipunga kiyoyozi. "Polisi walifuatilia mazungumzo ya simu na kuwapata wawili hao kwenye hoteli," polisi walisema. 

Wawili hao kwa sasa wanazuiliwa huku uchunguzi ukikamilishwa watafikishwa mahakamani.

Na Geofrey Owino.

.

.

Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com.