MWIMBAJI WA ZAMANI WA KUNDI LA TEMPTATION DENNIS EDWARDS AFARIKI DUNIA

Loading...

Mwimbaji Dennis Edwards enzi za uhai wake.

Mwimbaji wa muziki aina ya R&B na Soul, pia kiongozi wa zamani wa kundi la Temptations, Dennis Edwards amefariki. Alifariki jana Februari 2 katika hospitali ya Chicago, siku moja kabla ya siku ya furaha ya kuzaliwa kwake kwa kutimiza miaka 75, baada ya kuugua kiharusi. Na alikuwa akipambana na Uti wa Mgongo na Nimonia kabla ya kifo chake.

Dennis Edwards alizaliwa Fairlfield, Alabama na akaanza kuimba akiwa mdogo katika kanisa la baba yake mzazi. Alijiunga na kundi la Temptation mwaka 1968 na kuimba na kundi hilo tangu 1968 hadi 1976, 1980 hadi 1984 na 1987 hadi 1989. Katikati ya miaka ya 1980, alijaribu kufanya kazi ya muziki peke yake, akafanikiwa kuteka soko kwa kibao chake cha "Don't Look Any Further", na hapo ni baada ya kuchuana na wanamuziki kama Marvin Gaye wa Motown Record wakiwa nyimbo za kali kama "Sexual Healing".

Mnamo mwaka 1989, aliingizwa ndani ya Rock and Roll Hall of Fame kama mwanachama wa kikundi.

"Mungu ailaze roho ya marehemu mahali pema peponi Amina"