UKITAKA KUFANIKIWA, AMINI KATIKA KUJIFUNZA - Na Siri ya Utajiri

Loading...

Watu wanaofanikiwa wanaamini katika kujifunza, kujiendeleza na kuboresha maeneo mbalimbali katika maisha yao hatua kwa hatua. Hizi ni moja ya sifa za watu walio na mtazamo wa kukua na kujiboresha kila siku :- 1. WANAAMINI KUWA WANAHITAJI MABORESHO KATIKA MAENEO KADHAA KATIKA MAISHA YAO.
Watu hawa wako tayari kukubali kuwa huwa wanafanya makosa, wanaamini hawako sahihi kwa kila kitu na kwamba kuna makosa mengine wanayafanya bila hata kutegemea wala kujua.

2. WAKO TAYARI KUKUBALI KUKOSOLEWA KWA KUJENGA
Kwa sababu wanaamini hawako sahihi kwa kila kitu, kwao kukosolewa kwa nia ya kujenga ni mrejesho wa kuwasaidia kuboresha sehemu ambazo hazijakaa sawa. Wanapokea maoni ya watu mbalimbali dhidi ya kile wanachokifanya na kuyafanyia kazi kuboresha zaidi.

3. WAKO TAYARI KUKIRI KWA WAZI KAMA HAWAKO SAHIHI NA KWAMBA WAMEKOSEA
Pale wanapokuwa hawako sahihi hukubali makosa na kuupongeza upande ule ambao uko sahihi. Wanaamini katika kukubali makosa unakuwa katika nafasi ya kujifunza na kuboresha zaidi. Si watu wanaotumia nguvu kushawishi wengine kuwa wako sahihi huku wakijua hawako sahihi bali hutumia muda huo kurekebisha na kuboresha.

Je! Wewe ni mmoja wa kundi hili? Watu katika kundi hili ndio wanaofanikiwa.

You Deserve The Best!
Vicent Stephen