DIAMOND YUPO TAYARI KUACHA MUZIKI?

Loading...

Staa wa muziki wa Bongo Fleva, Diamond Platinumz amegusia kwamba anampango wa kuacha muziki.

Diamond, ambaye maisha yake yamejawa na drama za hapa na pale, ameweka wazi kuwa hivi karibuni ataacha muziki na kuzingatia zaidi biashara zake ambazo amehangaika nazo kuziunda kwa miaka mingi.

Diamond amesema kwa sasa yupo makini kuakikisha anafanya muziki mzuri ili umuingizie pesa za mtaji wa kutosha ili kwamba hata akiacha muziki awe na mitaji ya kutosha ya kuendeshea biashara zake na kukuza vipaji vya wasanii wengine.

Akifurahia mafanikio yake kwa kuweza kuwepo katika muziki toka mwaka 2009, ambapo alikuja kwa kishindo kwa kutoka na kibao chake cha kamwambie, aliyasema hayo wakati WCB ikiwafuturisha wadau na wapenzi wa muziki wao - Mbezi beach iliyopo makao makuu ya WCB.

"Ndoto zangu ni kuingia mazima katika biashara pale nitakapo acha muziki. Wacha tutumie fursa tulizo nazo kutengeneza baadaye yetu nzuri," Diamond alisema.
Na Neema Joshua.



Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com au sms-whatsapp: +255765112259