MBUNGE WA KAKONKO KASUKU BILAGO AFARIKI DUNIA

Loading...

Mbunge wa Kakonko, Kasuku Bilago (Chadema), amefariki dunia muda huu katika Hospitali ya Taifa ya Muhimbili alikokuwa amelazwa tangu juzi akipatiwa matibabu.

Mwalimu Kasuku Bilago, Mbunge wa Jimbo la Buyungu Wilaya ya Kakonko ametutoka. Amefariki dunia akiwa anapata matibabu hospitali ya Muhimbili Dar es Salaam. 

Ni uchungu usioelezeka kumpoteza Kiongozi Huyu aliyekuwa na mapenzi ya dhati kwa Mkoa wa Kigoma, nchi yetu na taaluma ya ualimu. 

Marehemu alizaliwa tarehe 2 Februari 1964 alikuwa mwanachama wa cha Chama cha Demokrasia na Maendeleo(CHADEMA). Alichaguliwa kuwa mbunge wa Buyungu kuanzia mwaka 2015 hadi mauti yalipomkuta Leo tarehe 26/05/2018.

Mungu amlaze mahala pema peponi Ndugu yetu..

Mwenyekiti wa Chadema, Freeman Mbowe amethibitisha. 

MBUNGE wa Chadema katika jimbo la Buyungu, mkoani Kigoma, Mwalimu Kasulu Bilango, anayekabiliwa na maradhi ya utumbo, amesafirishwa kwa ndege maalum kutoka Dodoma kuekea Dar es Salaam, mchana huu (juzi). 

Mwalimu Bilago amekuwa akisumbuliwa na ugonjwa kwa wiki mzima sasa ambapo alilazwa katika hospitali moja ya Kanisa mjini hapa.

Katika uwanja wa ndege wa kimataifa wa John Pombe Magufuli, mkoani Dodoma, Mwalimu Bilago amesindikizwa na watu kadhaa wakiwamo wabunge na maofisa wa Bunge.

Miongoni mwa viongozi wa umma waliokuwapo uwanja wa ndege kumsindiza mbunge huyo, ni pamoja na mbunge wa Ubungo, Saed Kubenea na mbunge wa Tarime Vijijini, John Heche.

Wengine, ni mbunge wa viti Maalum mkoani Dodoma, Immaculate Sware Semesi; mbunge wa Viti Maalum mkoani Geita, Upendo Peneza; Mariam Msabaha na Gimbi Masaba.

Akizungumza kwa shida wakati akitolewa kwenye gari la wagonjwa kupandishwa ndege, Mwalimu Bilago aliwataka wabunge wenzake kuendelea na mapambano.

“Nakwenda kupata matibabu Dar es Salaam. Niombeeni kwa Mungu nipone kwa haraka. Lakini ninachowaomba endelezeni mapamba haya,” alisema Bulago.

Akijibu ombi hilo la Bilago, Kubenea alimhakikishia mbunge mwenzake kuwa watafanya maombi na wataendeleza “vita alioiacha.”

Nenda katibiwe Mwalimu. Sisi tutafanya kilichosalia. Usihofu,” alisema Kubenea kwa kujiamini.

Na Geofrey Okechi.

Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com au sms-whatsapp: +255765112259