NYASHINSKI AJITETEA KUHUSU 'TWEET' ALIYOMPONDA MSANII DIAMOND PLATINUMZ

Loading...

Kufuatia na ujumbe tata wa twitter kutoka katika akaunti inayodaiwa kuwa ya muimbaji staa anayeibuka kwa kasi sana Kenya na Afrika Nyashinski, uliodai Diamond hajui kutengeneza hit song, msanii huyo amejitokeza na kufunguka.

Nyashinski ameamua kuondoa utata huo ili ibainike wazi kuwa hakuhusika kivyovyote na ujumbe huo.

Ikumbukwe kuwa, siku chache zilizopita Diamond alitumia ukurasa wake wa Instagram kumpigia debe kwa mashabiki zake na watu wote wa Afrika Mashariki waungane katika kumpigia kura msanii wetu ili aweze kunyakua tuzo za MTV EMA alizochaguliwa kuwania mwaka jana.

Akiongea na Lil Ommy kupitia kipindi cha The Playlist, Nyashinski amesema ujumbe huo haukuwa wake na wala haukutumwa kupitia akaunti yake ya twitter.
"Wacha niweke wazi, Twitter akaunti yangu ni Realshinski sio official au Thereal. Ukiangalia hiyo tweet ilitoka kwenye Twitter nyingine," alisema msanii huyo.

"Unajua kunaweza kuwa na watu wengi Twitter wanajiita Nyashinski. Kwa hivyo nikaona acha niweke sawa. hiyo tweet ilikuwa inasema Diamond hajui kumake hits, wote tunajua Diamond anajua kumake hits. Hivyo kwanza haikuwa kweli, hiyo haikuwa tweet yangu," ameongeza.

Suala la jumbe za kupotosha mitandaoni sio jambo la leo, kwani akaunti nyingi zipo mitandaoni zinazotumia majina ya wasanii huku zikiendeshwa na watu ambao nia yao wakati mwingine huwa ni ya kupotosha ama kuwaharibia wengine sifa.

Hata hivyo Nyashinski amejitokeza sasa na kuweka wazi suala la tweet hiyo na sasa inasubiriwa kuona kauli ya Diamond itakavyokuwa ama atapuuzia.
Na Neema Joshua.




Tuma neno 'HABARI' kwenda +255765112259 kupata habari za mastaa punde zinapojiri.