WABUNGE WASHINDWA KUMCHAGUA WAZIRI MPYA ARMENIA

Loading...

Bunge la Armenia limeshindwa kumchagua Waziri Mkuu mpya,baada ya kuwa na kikao cha dharura kujadili hali ya kisiasa nchini humo.

Hatua hii ilikuja baada ya kujiuzulu kwa Waziri Mkuu wa zamani Serzh Sargsyan wiki iliyopita, baada ya wiki mbili za maandamano kumtaka kujiuzulu.

Kuelekea kikao hicho, ilikuwa wazi kuwa wabunge wangemchagua kiongozi wa upinzani Nikol Pashinyan,kushikilia nafasi hiyo.

Baada ya kutofanikiwa, kwa zoezi hilo kiongozi huyo wa upinzani amewashtumu wabunge wa Republican kwa kukataa kumuunga mkono bungeni.

Kutokana na hali hii, kiongozi huyo wa upinzani ameitisha mgomo na maandamano ya kitaifa hivi leo kulaani hatua hiyo ya baadhi ya wabunge ambayo ameilezea kama matusi kwa watu wa Armenia.
Na Mashaka Ismail.




Tuma neno 'HABARI' kwenda +255765112259 kupata habari za kimataifa punde zinapojiri.