MCHESHI ANNE KANSIIME NAE ADUKILIWA AKAUNTI YAKE YA INSTAGRAM

Loading...

Ikiwa unafikiria sosholaiti wa Uganda Zari Hassan ndiye mtu maarufu pekee aliyepoteza akaunti yake ya Instagram, ni wakati wa kufikiria tena.

Dundiikanews imebaini kuwa mcheshi wa Uganda Anne Kansiime pia alipitia kitu kama hicho, lakini mapema. 

Kansiime alipoteza ukarasa wake wa Instagram ambao ulikuwa na zaidi ya wafuasi 250,000 baada ya ukurasa huo kuingiliwa Ijumaa, Agosti 3.

Habari kuhusu kuingiliwa kwa ukurasa wa Instagram wa Kansiime ilidokezwa na mcheshi huyo katika habari ndefu Facebook iliyoonekana na Dundiikanews.

“Nimevunjika moyo, ninalia ninapoandika hili. Kuna mtu ambaye ameingilia ukurasa wangu wa Instagram na kuiba wafuasi wangu wote na kuniachia watu sifuri. Hii ni nini sasa?” aliandika.

Kansiime alinakili video na kueleza jinsi akaunti yake ilivyoingiliwa na kuwataka wafuasi wake kuwa makini na kuhakikisha kuwa akaunti zao ni salama. 

Kansiime alieleza jinsi walivyoingilia ukurasa wake, wakaondoa picha zake zote na wafuasi wake na hata kuondoa picha yake ya kujitambulisha.

Mcheshi huyo alisema kitendo hicho kilimvunja moyo sana. Hii ni kutokana na kuwa waliingilia moja ya njia ambayo hutumia kufanya matangazo. Akaunti yake iliingiliwa siku mbili baada ya akaunti ya Zari kuingiliwa. 

Lakini Zari hakupoteza wafuasi kwani aliweza kuokoa akaunti hiyo kabla ya wafuasi wote kuondolewa.
Na Catherine Kisese.




Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com au sms-whatsapp: +255765112259