VISA NA MIKASA: DEREVA BODA BODA ANYIMWA KITANDA NA MKEWE KWA KUKOSA KUOGA

Loading...

Kulizuka kizaazaa katika eneo moja kaunti ya Murang'a baada ya jamaa kulala kwenye kibanda cha mbuzi mkewe alipogoma kumfungulia ili alale. 

Jamaa huyo ambaye ni dereva wa boda boda katika eneo hilo alikuwa akigombana na mkewe kila siku kwani uvundo wake ulikuwa umepita kiasi na mkewe alimtaka aoge.

Baada ya kuona kuwa haambiliki, mwanamke huyo aliamua kumpa funzo kali ili kumlazimisha aoge. 

Usiku huo, jamaa huyo alifika nyumbani usiku wa manane na kubisha ili afunguliwe alale.

Mambo yaligeuka na mkewe badala ya kumfungulia, akamwelekeza bafu aoge la sivyo nyumbani haingii kamwe. 

"Kama unataka tulale pamoja, hebu oga usiniletee uvundo wako," Alisema mkewe kwa mujibu wa gazeti la Taifa Leo la huko nchini Kenya.

Kwa kuogopa baridi, jamaa huyo aliamua kulala katika kibanda cha mbuzi na kumwachia mkewe kitanda.
Na Neema Joshua.




Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com au sms-whatsapp: +255765112259