MH. RAIS MAGUFULI AMLILIA KING MAJUTO

Loading...

Rais John Pombe Magufuli jana Alhamisi Agosti 9 aliongoza maelfu ya wananchi katika ukumbi wa Karimjee kuomboleza kifo cha Muigiza nguli wa filamu za kuchekesha Mzee Majuto.

Mwili wake ulipelekwa ukumbini humo kuwapa fursa mashabiki na wafuasi wake kumuaga na kumuombea sala ya pamoja.

Magufuli alikuwa amendamana na aliyekuwa rais wa zamani Jakaya Kikwete na maafisa wengine wa serikali kama vile Juliana Shonza, Paul Makonda na Humphrey Polepole.

Kama raia wengine wa Tanzania, kifo cha Majuto kilimhuzinisha sana Rais Magufuli, ambaye alishindwa kujizuia ambapo alionekana kububujikwa na machozi kwa kumpoteza rafikiye.

Katika taarifa rasmi ambayo ilitolewa na serikali katika akaunti zake za mitandao ya kijamii, Magufuli aliomboleza pamoja na familia na marafiki wa Mzee Majuto.

Alisema mwendazake alikuwa mwanzilishi wa uigizaji Tanzania, na alikuwa akiigwa na wengi. 

Maelfu ya Watanzania walifika katika mazishi yake, hasa kutokana na umaarufu wake.
Na Catherine Kisese.




Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com au sms-whatsapp: +255765112259