MWANAMUZIKI CHAMELEONE WA UGANDA NAE KUJITOSA KATIKA SIASA 2021

Loading...

Ni rasmi sasa mwanamuziki nguli kutoka Uganda Jose Chameleone atakuwa kilingeni katika uchaguzi mkuu wa 2021.

Chameleone ama kwa majina yake kamili Jose Mayanja atawania kiti cha umeya cha Kampala ambacho kwa kimeongozwa na wakili Erias Lukwago kwa miaka minane. 

Habari hizi zilithibitishwa na kakake Chameleone anayetambulika kama Pallaso akiwa kwenye mahojiano na runinga ya Spark mjini Kampala. 

"Sio masihara, Chameleone atawania kiti cha umeya wa Kampala, watu wazee wametekeleza wajibu wao sasa ni vijana kuchukua hatamu za uongozi," Pallaso alisema.

Iwapo Chameleone atawania wadhifa huo na ashinde, basi atakuwa mwanamuziki wa pili kutoka Uganda kujitosa kwenye ulingo wa kisiasi baada ya mwanamuziki maarafu Bobi Wine ambaye sasa ni mbunge.

Na Catherine Kisese.

Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com.