RATIBA YA MAZISHI YA KIBONDE MAKABURI YA KINONDONI DAR

Loading...

MSEMAJI wa familia ya Samson Kibonde, Saudiri Mwakaje ametoa ratiba ya mazishi ya marehemu Ephraim Kibonde kuwa atazikwa leo Jumamosi saa 9, alasiri katika makaburi ya Kinondoni.

Mwakaje amesema mwili wa Ephraim Kibonde utawasili leo Machi 9, 2019, nyumbani kwao Mbezi Africana jijini Dar es Salaam saa nne na nusu asubuhi. Saa sita watu watapata chakula cha mchana ikifuatiwa na ibada na baada ya hapo safari ya makaburini.

Kibonde ambaye alikuwa mshehereshaji kwenye msiba wa Ruge amekutwa na umauti katika Hospitali ya Bugando mkoani Mwanza Machi 6, 2019.

Mtangazaji huyo alikuwa miongoni mwa waombolezaji waliomsindikiza Ruge hadi katika maziko yake kijiji cha Kiziru, Bukoba.

Na Daudi Msimile.

Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com.