SIMBA OYEEEEE, YANGA KAMWENE

Loading...

Klabu ya Simba ya Tanzania, imefaulu na kuingia katika hatua ya robo fainali, katika kinyang’anyiro cha Ligi ya Mabingwa Afrika. 

Mchezaji Clatous Chama alifunga bao la ushindi mnamo dakika ya mwisho, na kuipa Simba ambao walikuwa wenyeji mjini Dar es Salaam, ushindi wa mabao mawili kwa moja dhidi ya AS Vita kutoka Jamhuri ya Kidemokrasia ya Congo. 

Hii ni mara ya kwanza kwa klabu ya Tanzania kufika robo fainali katika kinyang’anyiro hicho cha kuwania kombe la Mabingwa Afrika. Timu nyingine iliyotinga robo fainali kwenye kundi hilo ni Al-Ahly ya Misri ambao wamekuwa mabingwa wa kombe hilo mara nane. 

Wengine ambao walishatinga robo fainali ni pamoja na Mabingwa watetezi wa kombe hilo Esperence ya Tunisia, Mamelodi SunDowns ya Afrika Kusini, Wydad Casablanca ya Morocco, Haroya AC ya Guinea, TP Mazembe ya Congo na CS Constantine kutoka Algeria. 

Leo timu nyingine kutoka Afrika Mashariki, Gor Mahia ya Kenya, watakuwa wenyeji wa Petro Atletico de Luanda kutoka Angola, katika mechi nyingine ya kutafuta nafasi ya kuingia robo fainali katika kinyang'anyiro cha kombe la shirikisho la CAF.

Na Mary Mkeu.

Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com.