RAIA WA UFARANSA AHUKUMIWA KUNYOGWA HADI KUFA IRAQ KWA KUJIUNGA NA IS

Loading...

Mahakama ya mjini Baghdad nchini Iraq imemhukumu kifo raia mmoja wa Ufaransa leo kwa kujiunga na kundi la itikadi kali linalojiita dola la kiisalamu. 

Hatua hiyo imeifanya idadi ya wapiganaji wa jihadi ambao ni raia wa ufaransa wanaokabiliwa na hukumu ya kifo kuwa saba. 

Yassin Sakkam alikuwa miongoni mwa raia 12 wa Ufaransa waliokabidhiwa kwa mamlaka za Iraqi mwezi Januari na vikosi vya Marekani vinavyopambana na kundi hilo la kigaidi nchini Syria. 

Sakkam amekiri mbele ya mahakama kula kiapo cha kulitumikia kundi la IS akisema alikuwa akipokea kila mwezi dola 70. 

Sakkam ambae ana umri wa miaka 29 amesema mahakamani kwamba anajutia uamuzi wake wa kujiunga na kundi hilo na ameomba kusamehewa.

Na Charles Owino.

.

.

Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com.