MFALME WA DUBAI APATA PIGO LINGINE BAADA YA MKEWE KUTOROKO NA MABILIONI YA PESA

Loading...

Sheikh Rashid Al Maktoum wa Dubai ambaye majuma machache yaliyopita aliwashutumu baadhi ya viongozi humu nchini Kenya kumlaghai mamilioni ya pesa kwenye kashfa ya dhahabu feki amepata pigo tena baada ya mkewe kutoweka na zaidi ya bilioni 80 pesa za kitanzania. 

Inakisiwa kwamba mkwe huyo Haya Al Hussein mwenye umri wa miaka 45 alishirikiana na mwanadiplomasia kutoka Ujerumani ambaye alimsaidia kutoweka katika ufalme huo kwa njia ya kutatanisha.

Kulingana na The Sun, binti huyo wa kifalme hajakuwa akionekana hadharani tangu Februari na inaripotiwa kwamba alitaka talaka kutoka kwa mumewe baada ya kukimbilia Ujerumani. 

Inasemekana kwamba alitoweka na wanao Zayed wa miaka saba na bintiye Al Jalila wa miaka kumi na moja na kumwacha Sheikh huyo na upweke. 

Mtawala huyo alimshutumu mkewe kufuatia hatua hiyo akimtaja kama msaliti huku akifichua kwamba alikuwa tayari kumtema.

Tukio hilo la aibu limetishia uhusiano wa kidiplomasia baina ya Milki za Kiarabu na Ujerumani. 

Inadaiwa kwamba Sheikh aliwaamuru makachero kutoka Berlin kumrejesha mkewe na wanawe katika milki za kiarabu lakini juhudi zake hazikufaulu. 

Duru zinaarifu kwamba, nchi ya Ujerumani ilikataa kutii maagizo yake ila walimhakikishia usalama wa familia yake.

Mtawala huyo alikuwa mwingi wa wasiwasi na kumpelekea kukosa kuhudhuria mashindano ya farasi kwa mara ya kwanza kwa miaka 28, ambapo mkewe alikuwa akiandamana naye. 

Haya ambaye ni dada wa kambo Mfalme wa Jordan na alifunga ndoa na Sheikh Mohammed mwaka wa 2004 na wawili hao wamekuwa wakiishi kwa utulivu hadi pale ambapo matatizo yalipoanza hivi karibuni. 

Tukio hili linajiri majuma machache tu baada ya familia hiyo ya kiarabu kuzozana kidiplomasia na nchi ya Kenya baada ya viongozi kadhaa humu nchi kusemekana kumlaghai Maktoum mamilioni ya pesa kufuatia dhahabu bandia. 

Mtawala huyo wa Dubai alimtaka rais Uhuru Kenyatta na makachero wa humu nchini kuingilia kati na kumsaidia katika kuwanasa matapeli hao. 

Viongozi mashuhuri walitajwa katika kashfa hiyo huku watu kadhaa wakikamtwa na kushtakiwa kwenye kesi hiyo ambayo kwa sasa ipo mikononi mwa mahakama.

Na Paskali Joseph.

.

.

Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com.