MO DEWJI KUILETA ARSENAL SIMBA DAY?

Loading...

Mwenyekiti wa Bodi ya wadhamini wa klabu ya Simba, Mohammed Dewji ‘Mo’ ameonekana akiwa na jezi ya Arsenal ambayo imesainiwa na wachezaji huku akiishukuru timu hiyo inayoshiriki ligi kuu nchini Uingereza.

Katika maelezo ya Dewji kupitia akaunti yake ya Instagram, ameandika ujumbe wa kuishukuru klabu hiyo kwa zawadi hiyo huku akisema kuwa anatarajia kuwa nao hapa nchini hivi karibuni swala ambalo linawaacha mashabiki wa soka kwenye maswili kuwa je vijana hao wa The Gunnersa wanatarajia kutua Tanzania ?.

“Asante @Arsenal kwa jezi iliyosainiwa! Natarajia kutafuta njia za ushirikiano na @SimbaSCTanzania. Tunataraji kuwa nanyi Tanzania hivi karibuni. 𝑺𝒉𝒂𝒃𝒊𝒌𝒊 𝒘𝒂 𝑨𝒓𝒔𝒆𝒏𝒂𝒍 𝒅𝒂𝒊𝒎𝒂 𝒏𝒊 𝒔𝒉𝒂𝒃𝒊𝒌𝒊 𝒘𝒂 𝑨𝒓𝒔𝒆𝒏𝒂𝒍!,” – ameandika Mo Dewji.
//
Mohammed Dewj ameongeza “Thank you @Arsenal for the signed kit! I look forward to exploring avenues for partnership with @SimbaSCTanzania. We look forward to having you in Tanzania soon. Karibu 🇹🇿
𝑶𝒏𝒄𝒆 𝒂 𝒈𝒖𝒏𝒏𝒆𝒓 𝒂𝒍𝒘𝒂𝒚𝒔 𝒂 𝒈𝒖𝒏𝒏𝒆𝒓!”

Kila ifikapo tarehe 08/08 ya kila mwaka timu ya Simba hufanya bonanza linalojulikana kama Simba Day ambapo hucheza na timu alikwa kutoka katika nchi nyingine huku ikitumia nafasi hiyo kama sehemu ya kuwatambulisha wachezaji wao wapya. Arsenal itakuja nchini kucheza na miamba hiyo ya soka ya Tanzania siku ya Simba Day ?, tusubiri tuone.

Na Catherine Kisese.

.

.

Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com.