JAMAA 'ALIYEFARIKI' AJITOKEZA KWENYE MAZISHI YAKE NA KUZUA KIZAAZAA

Loading...

Kenya. Kulikuwa na kizaazaa katika kijiji cha Godmiaha, Rachuonyo Mashariki Kaunti ya Homa Bay baada ya jamaa mmoja ambaye alidhaniwa kufariki kujitokeza kwenye mazishi yake. 

Kennedy Olwa, mwenye umri wa miaka 38, alitoweka nyumbani zaidi ya miaka ishirini iliyopita na familia yake ilipata ripoti kuwa amefariki. 

Hapo ndipo familia yake ilianza shughuli za mazishi huku mwili wake ukihifadhiwa katika hospitali ya rufaa ya Homa Bay.

Joseph Ndege, chifu wa eneo hilo, aliambia gazeti la Nation Jumapili, Agosti 4, kuwa jamaa wa familia walipata habari kuwa mwili wa Olwa ulikuwa umepelekwa na polisi katika chumba cha kuhifadhia maiti kwenye hospitali hiyo. 

Baada ya jamaa wa familia kufika huko, walithibitisha kuwa mwili huo ulikuwa wa Olwa na ndipo wakaanza matangazo ya kifo chake.

Huku shughuli za mazishi ya Olwa zikiendelea, aliskia matangazo ya kifo chake kwenye radio na ndipo akawasiliana na familia yake akisema yungali hai. 

Lakini familia haikuamini hadi wakati ambapo alijitokeza nyumbani na kuzua mshangao mkubwa kwa waobolezaji. 

Baada ya kumuona, waombolezaji waliamini walikuwa kwenye mazishi ya mwili tofauti na hivyo kushika njia huku wengine wakidhani ni mizimu waliona. 

Familia hiyo ililazimika kuurudisha mwili uliokuwa unaandaliwa kwa mazishi kwenye chumba cha kuhifadhia maiti na kumaliza shughuzi za kumzika jamaa wao. 

Sasa mhusika huyo atafanyiwa tambiko kuzuia jambo mbaya kumfanyikie.

Na Catherine Kisese.

.

.

Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com.