ROONEY KUFUNDISHA MAN UTD BAADA YA KUSTAAFU SOKA

Loading...

Mshambulizi wa zamani wa Manchester United, Wayne Rooney, anaripotiwa kuwa atarejea uwanjani Old Trafford kama mkufunzi baada ya kustaafu soka. 

Mchezaji huyo wa rekodi wa mashetani wekundu, anatazamiwa kuwa miongoni mwa wafanyakazi wasaidizi wa Ole Gunnar Solskjaer.

Uamuzi huo wa Rooney huenda ukamtuliza mkewe Coleen, ambaye aliwaambia marafiki zake wa karibu kuwa anataka kurejea nyumbani nchini Uingereza. 

Coleen anasemekana kuwatawaka wanao wanne Kai, Klay, Kit, na Cass, kujiunga na shule za Uingereza. 

Mchezaji huyo mwenye umri wa miaka 33 ambaye mkataba wake na DC United unatamatika mwaka 2020, anaaminika kuliwazia jambo hilo la kuwa kocha.

Duru zinaarifu kuwa: 

“Tayari Wayne anawazia hatima yake ya kutaka kusalia mchezoni. Pia anataka kuiweka familia yake pamoja kwa kuwapa maisha bora Coleen na wavulana wake. Kwa hivyo ajira katika klabu ya United itakuwa sawa. Wayne anatazamia kurejea klabu hiyo kama mkufunzi. Pia angependa kuwa kati ya wale watamsaidia Ole kutimiza malengo yake," duru hiyo iliarifu. 

Wachezaji wenzake wa zamani katika klabu ya United, Nicky Butt na Michael Carrick tayari walipata kazi Old Trafford.

Na Yohana Lucas.

.

.

Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com.