TETESI ZA SOKA ULAYA LEO

Loading...

Chelsea inakabiliwa na ushindani mkali kutoka kwa Bayern Munich katika kumsajili kiungo wa kati wa Borussia Dortmund Christian Pulisic. (Mail)

West Ham iko tayari kumpatia David Moyes mkataba wa miaka miwili mwisho wa msimu huu iwapo atawasaidia The Hammers katika ligi ya Uingereza na raia huyo wa Uskochi tayari anatafuta wachezaji wa kuwasajili msimu ujao(Express)

Beki wa Lazio na Uholanzi Stefan de Vrij , 26 yuko tayari kuondoka katika klabu yake na kuelekea Manchester United lakini Everton na Arsenal pia wana hamu ya kumsajili(Mirror).

United pia ina hamu ya kumsajili kiungo wa kati wa Lazio na raia wa Itali Jorginho, 26. (sun) Barcelona imeishinda Manchester United katika kumsajili kiungo wa kati wa Brazil na Gremio mwenye umri wa miaka 21 Arthur (mail).

Kiungo wa kati wa Watford Abdoulaye Doucore ,25, amedai kwamba klabu kubwa za ligi ya Uingereza zinamnyatia huku Arsenal ikiwa ndio lengo lake kubwa kujiunga nayo.(Mirror)

Mkufunzi wa zamani wa Watford Marco Silva ndio anayepigiwa upatu kumrithi Alan Pardew iwapo atandoka West Brom(Birmingham Mail)

Crystal Palace imejiandaa kumsaini kipa wa zamani wa Liverpool na Brazil Diego Cavalieri katika uhamisho wa bure(ESPN)

Liverpool inajiandaa kumsajili kinda wa Lyon na Ufaransa mwenye umri wa miaka 18 Mohamed Bahlouli. (France Football via Sun)

Lengo la kocha Jurgen Klopp la kumsajili kipa wa Roma Alisson imepigwa jeki baada ya klabu hiyo ya Itali kupata kipa atakayechukua mahala pake (Gianluca di Marzio via Sun)

Tuma neno 'HABARI' kwenda +255765112259 kupata habari za michezo punde zinapojiri.