'NILIUZWA KWA WAUAJI KWA MILIONI MBILI'

Loading...

Mwanamke mwenye ulemavu wa ngozi aliyenusurika kuuawa baada ya mjomba wake kumuuza kwa wauaji kwa milioni mbili.

Katikati ya ziwa Victoria Barani Afrika, kuna kisiwa cha Ukerewe kaskazini magharibi mwa Tanzania sehemu ambayo ni kimbilio kwa Albino ambao kwa miaka kadhaa wamekua wakitengwa na kuuawa nchini humo.

Kisiwa hicho ni miongoni mwa maeneo machache katika kanda ya ziwa ambayo hajakumbwa na mauaji ama mashambulizi yoyote ya albino. Kwa mujibu wa chama cha albino Tanzania kumekua na mashambulizi 180 ya albino na 75 kuuawa nchini Tanzania.

Mwanamke huyo kwa jina Christina aliamua kukimbilia Ukerewe baada ya kunusurika kuuawa kufuatia jaribio la kuuzwa kwa wauaji na mjomba wake.

Baada ya jaribio hilo, mjomba wake alishikiliwa na askari kwa ajili ya kufikishwa katika vyombo vya sheria na mwanadada christina alipewa dhamana ya kuweza kumchagulia adhabu nduguyake kama ni kufungwa au la.

Aidha kwa huruma na upendo alionao mwanamke huyo aliona si vyema ndugu yake kupewa adhabu ya kifungo na badala yake apewe adhabu ya kumtosheleza kwa kuwa aliamini ameteleza tu na zilikuwa tamaa za pesa.
Na Hamisi Thomas.



Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com.