BEN POL AJAWA HOFU BAADA YA SHETTA, HARMONIZE NA KALIGRAPH KUMNYEMELEA MCHUMBA WAKE

Loading...

Mwanamuziki nyota wa muziki wa bongo fleva, Harmonize amekanusha vikali madai kuwa alimtongoza mrithi wa kampuni ya Keroche Anerlisa Muigai ambaye pia ni mpenzi wa mwanamuziki Ben Pol 

Imeripotiwa na mitandao kadhaa ya habari kuwa Ben Pol alifichua kupitia mtandao wa Instagram kuwa Harmonize amekuwa akimtumia Anerlisa jumbe za mahaba akiwa na nia ya kutaka kumzidi kete na kumchukulia mwandani wake.

Akiwa kwenye mahojiano na Zamaradi Mketema, Ben Pol pia aliwataja wanamuziki kadhaa akiwemo Shettah na rapa Khaligraph Jones akidai wamekuwa wakimmezea mate mpenzi wake. 

Kati ya wanamuziki aliowataja kwa kutaka kumpokonya kipenzi chake, hakuna aliyezungumzia madai hayo ila inaonekana Harmonize alikwazika sana na kuamua kuuvunja ukimya. 

"Ben Pol ni kakangu na nampenda sana, mapenzi huwa hayaeleweki, huwa inafika wakati ambapo mmoja anataka kujionyesha kwamba anamezewa sana mate na watu huko nje, najua Anerlisa alimweleza ili amtikise kidogo," Harmonize alisema.

Na Fatma Pembe.

.

.

Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com.