MSHAMBULIAJI OLIVER GIROUD RAIA WA UFARANSA AJIUNGA CHELSEA AKITOKEA ARSENAL KWA DAU LA EURO 18 MILIONI

Loading...

Mshambuliaji wa zamani wa timu ya Arsenal Oliver Giroud, akitambulishwa Chelsea.

Klabu ya Soka ya Chelsea imekamilisha usajili wa mshambuliaji wa Kifaransa Oliver Giroud kutoka Arsenal kwa Euro milioni 18.

Mchezaji huyo mwenye umri wa miaka 31, aliuzwa kwa klabu pinzani ya timu hiyo baada ya kuweka rekodi ya kumnunua mshambuliaji Pierre Emerick Aubameyang kutoka timu ya Borussia Dortmund.

Mfaransa huyo, ambaye ameichezea timu ya Arsenal kwa kipindi cha miaka mitano na nusu na kufunga mabao zaidi ya 70 katika klabu hiyo, na atavaa namba 18 kama nambari ya jezi yake.

Giroud akitia sahihi katika mkataba wake

Katika kujieleza kwakwe, alisema: "Chelsea ni moja ya timu kubwa katika Ligi Kuu. Wameshinda vikombe vingi kwa kipindi cha miaka sita au saba iliyopita, Ni klabu kubwa na ninajivunia kujiunga na Chelsea."

Giroud anajiunga na wachezaji wenzake kama N'Golo Kante na Tiemoue Bakayoko katika kikosi cha Chelsea na anakibali cha kucheza katika michuano yote ya Blues.