HARMONIZE CHUPU CHUPU KUOSHA VYOMBO, KISA BILI YA HOTELI

Loading...

Kenya. Harmonize anasemekana kuzuiliwa katika hoteli moja mjini Eldoret kwa kutolipa bili na pia kukosa kuwatumbuiza wafuasi wake kwenye tamasha la Chaget.

Kulingana na habari za Nairobi news, Harmonize aliachiliwa huru baada ya kuzuiliwa kwa zaidi ya saa nne Jumapili Novemba 4.

Taarifa hizo zilitaarifu kwamba Harmonize alikuwa amekodisha chumba cha kulala kwa Sh350,00 kwa usiku mmoja huku kikundi alichokuwa nacho kila mmoja pia akichukuliwa chumba kilicho takiwa kulipiwa Sh280,000 kwa usiku mmoja

Kama ilivyoripotiwa awali, inasemekana promota wa tamasha hilo hakuwa amemlipa pesa zake na pia hakuwa na mpangilio mwema. 

Hata hivyo, marafiki wa Harmonize wa humu nchini wanasemekana walifika katika hoteli hiyo na kumsaidia kulipa bili hiyo ndipo alipoachiliwa.

Harmonize ameripotiwa kuondoka nchini huku akiwa mwenye majuto na aibu kulingana na ujumbe moja aliomjibu mmoja wa wafuasi wake kwenye ukurasa wake wa instagram alipotaka kujua ni kwa nini mwanamuziki huyo hakuweza kutumbuiza Wakenya licha ya kusubiriwa kwa hamu.
Na Catherine Kisese.



Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com.