KILA JUMAMOSI NA JUMATANO WAKENYA KWENDA MAKAZINI KWA MIGUU?

Loading...

Baadhi ya wakenya na mashirika ya kijamii yamekosoa agizo la wizara ya uchukuzi la kuzindua siku ambayo hakuna magari yataruhusiwa kuingia katikati ya jiji la Nairobi.

Siku ya Jumanne, waziri wa uchukuzi James Macharia alisema kuwa wakaazi wa Nairobi wanatarajiwa kutotumia magari yao kila siku ya Jumatano na Jumamosi kuanzia tarehe 1 mwezi Februari mwaka huu.

Bw Macharia alisema hatua hiyo inalenga kupunguza msongamano katika jiji la Nairobi.

Wakenya walilalamikia agizo hilo katika mitandao ya kijamii hususan wa Twitter.

Wengi wao waliokosoa agizo hilo walisema kuwa hawaoni sababu ya kufungia magari na kuwaacha wachuuzi kuuza bidhaa zao katika barabara za jiji na maeneo ya kuegeshea magari.

Shirika la mawakili pamoja na muungano wa waajiri nchini Kenya, FKE pia wamehoji uhalali wa agizo hilo jipya.

Kwa mujibu wa gazeti la Daily Nation, Mkurugenzi mkuu wa FKE Jacqueline Mugo, alisema ''wadau katika sekta ya usafiri hawakushauriwa kabla ya kutolewa kwa agizo hilo.''
Na Frank Kavikule.



Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com.