DONDOO YA LEO: TUJIFUNZE KISWAHILI CHETU

Loading...

Yapo maneno mengi yanayotamkwa vibaya au kutokuwa na maana iliyokusudiwa. Kitamkwa kimoja tu katika neno kinapotamkwa visivyo huweza kuleta tofauti/tafauti ya maana ya neno au kupoteza maana yake halisi iliyokusudiwa.

Kwa mfano, ‘hafla’ na ‘ghafla’ ni maneno mawili yenye maana tofauti. ‘Hafla’ ni shughuli inayofanywa kusherehekea jambo maalumu; mkusanyiko wa watu katika shughuli fulani kama sherehe au karamu; dhifa.

‘Ghafla’ ni neno linaloeleza utokeaji wa ujambo bila kutazamiwa. Mfano: Wageni walikuja ghafla bila taarifa; vuu, pasipo matarajio.

Baadhi ya watumiaji wa lugha ya Kiswahili kwa kutojua au kutokuwa makini hulitamka neno hilo kwa kuzibadilisha nafasi za silabi (mapigo ya sauti kwenye neno) ‘ba’ na ‘ha’ na kulitamka ‘mrahaba’ badala ya mrabaha.

‘Mrabaha’ ni sehemu ya pato anayopewa mmiliki wa kazi ya sanaa ya kitaaluma kila inapouzwa na mtu mwingine; faida inayotokana na biashara fulani; malipo yanayotolewa na mfanyabiashara kwa mtu aliyempa mali au mtaji wa biashara.

‘Wasili’ ni kitendo cha kufika mahali. ‘Wasiliana’ ni peleka na pokea taarifa kutoka kwa mtu au watu. ‘Wasilisha’ ni kitendo cha kufikisha kitu au taarifa mahali; fikisha kitu au ujumbe ulipohitajiwa; toa maelezo au mhadhara kwa kikundi cha watu au mbele ya watu.

Tuongee kiswahili fasaha, ili tuenzi na kuitunza lugha yetu.
Na Makabe Juma.




Una maoni? Una habari ambayo ungependa tuichapishe? Tuma ujumbe kwa mhariri mkuu:dundiikaonline@gmail.com.